好開心今年生日可以喺香港，有屋企人、朋友、有你陪我過。諗起6年前就係你嘅一聲生日快樂，打破相識20年但從未交流嘅隔膜。自此我哋由相識已久但陌生，慢慢走近，再經歷3年遠距離戀愛，到現在日夜相見。
仲記得剛開始long d第一年過嘅生日。當晚放工後，我企喺天星碼頭等緊遲到差唔多成個鐘又唔聽電話嘅兩個好朋友，心裏仲為住：「你琴晚只係send咗happy birthday兩個字」短訊俾我而失落緊。呢個時候，眼尾見到一個貌似你嘅人。一開始我以為自己日有所思，人有相似姐，呢個時間你應該仲訓緊。望多兩眼開始奇怪：「點解會有個傻佬喺條頸度用絲帶縛住個蝴蝶結嘅呢？」個傻佬仲對住我笑笑口，慢慢行緊埋嚟。呢一刻我至如夢初醒：「咦！真係你嚟！」
原來你同我嘅好朋友偷偷夾計，叫朋友仔約我食生日飯但唔好出現，你就坐十幾個鐘頭飛機返嚟同我過生日。琴晚因為喺機場等緊轉機，驚會俾我識穿計劃先至匆匆留低短訊。那刻不敢相信，又驚又喜嘅心情仍然歷歷在目。當我仍然活在那粉紅愛情泡泡之中，我就收到哥哥打嚟嘅電話：「爸爸昏迷了，你快啲嚟醫院啦。」然後，我父親就在當晚永別了。好老套咁講，當日我...
See More
Search